CysGair

Sgrin CysGair

Acenion

Trowch at:

Ymddangosiad/Dewisiadau/Ymddangosiad neu View/Options/Appearance

i weld yr opsiynau sydd ar gael i'r defnyddiwr.

Defnyddio ffont Unicode i arddangos …
Mae 'w' ac 'y' gydag acen grom (^) yn rhan o set lythrennau rhai ffontiau, sef ffontiau 'Unicode'. Os ydych chi'n defnyddio un o'r ffontiau arbennig hyn, bydd CysGair 2 yn gallu dangos 'w' ac 'y' gydag acen grom. Fel arall, mae'n rhaid i CysGair 2 osod yr acenion ar y llythrennau ei hun. Gellir cael 'w' ac 'y' gydag acen grom gyda ffontiau cyffredin fel 'Arial' a 'Times New Roman', ond nid oes modd eu cael ym mhob ffont. Os ydych chi'n defnyddio Windows 95, dylech arsefydlu 'Multilanguage Support' os ydych am ddefnyddio un o ffontiau 'Unicode'.

Torri a gludo gan ddefnyddio …
Gall y rhaglen dorri a gludo geiriau o gymwysiadau eraill gan ddefnyddio naill ai godau 'ANSI' (Latin-1, ISO-8859-1), y codau a ddefnyddir gan MEU (Latin-8, ISO 8859-14) ar gyfer eu ffontiau Cymraeg, neu godau 'Unicode'. Mae'r opsiwn hwn yn eich galluogi i dorri a gludo'r llythrennau nas cefnogir gan Windows, drwy ddefnyddio codau ffontiau MEU. Dewiswch yr opsiwn hwn os oes gennych ffontiau MEU ar eich system, ac os ydych yn eu defnyddio yn eich prosesydd geiriau.

Er bod Microsoft Office 97/2000 yn gallu defnyddio codau 'Unicode', nodwch na fedr pob cymhwysiad wneud hyn.